萬邦於得生團契戒毒，現為得生團契同工及得生樂隊成員。

記 : 以前你的生活係點過?
邦 : 我自細就唔鐘意讀書，小學五、六年班就開始吸煙、飲酒。到中一被踼出校，時時蒲公園、機鋪、Roller場、波樓和卡啦OK，總之唔想返屋企。就咁樣，識了一班黑社會，學舞獅賺外塊。初時都覺得好好玩，後來，學識食丸仔和吸白粉，唔夠錢駛就偷屋企人錢。這種生活過了兩年，越來越唔開心。為左食白粉，偷同搶都做齊。

記 : 咁你有無想戒?
邦 : 有，自己試過到黑市藥房買丸仔戒，當然戒唔到。衰到有錢就食白粉，無錢就買丸仔頂癮。

記 : 同屋企人關係點樣?
邦 : 緊係唔好，佢地都當養少個。記得有一次，我3日內被警察捉兩次，係油麻地差館住了兩日，屋企人先至擔保我。跟住入壁屋住了21日被法庭轉介入得生團契。

記 : 入得生感覺如何?
邦 : 好唔慣，好辛苦，乜野都要做，又要聽耶穌，好想走。

記 : 係幾時開始才有改變?
邦 : 講真!都成年有多。初初係村成日攪事犯規，比隊長剷頭，又加長刑期。到做到副組長和組長時才知道乜野係責任。但又怕其他學員排斥，佢地唔妥都費事出聲，因為自己有時都重衰過佢地。但係村越耐就覺得越內疚，點解自己係村就做好人，出左村又做另一個人。直到有機會參加團契的Band 隊出外表演做見証時才開始真正認識和見証神。在村入面我學會電腦和音樂，最重要就係學會規矩，神真係比我有好大改變。

記 : 咁你現時有乜野想同一班青少年講?
邦 : 緊係唔好食白粉，同小心交朋友，因為朋友影響係最大。唔好話悶就試食丸仔和白粉。
  受洗感言 朱萬邦弟兄
HI！還記得我嗎？很高興再次能夠和你們分享我的見證──就是我受洗了。

其實我已信主差不多九年，為什麼這麼久還未洗禮？這是我自己的問題──一直心想：「洗禮只是一個禮儀，在教會裏則是多一個教友和造多一張教友證罷了，其實心理有耶穌便沒有問題。」但是，自己的內心實是很害怕將來再行差踏錯，所以給自己一條後路，免得將來羞辱主的名。因為自己過往也是一個吸毒者、壞份子，縱然在得生裏已改變了很多，但心裏仍然害怕。

當我作受禮這決定，自己便回想這幾年耶穌給予我的恩典和救恩──真的很奇妙！特別是耶穌修補了我和家人的關係，讓家庭裏每一個人都學習彼此愛護和關心；自己的生命亦不斷被改變；亦學習不少知識和技能──這是自己從未想過的。而最重要的是，耶穌給予我一班支持及照顧我的教會弟兄姊妹和得生同工們。縱然幾年來間中有大大小小的個人問題，多謝他們和我同行，並給予機會和愛心，使我一次又一次都能歸回耶穌身邊。

我回想這一切經歷，使我更決定不可再逃避耶穌的愛、更要傳揚主的名。所以，我便決定在神、在人、在自己面前，加入教會、做個真正的基督徒。願耶穌更使用我、拖帶我。也願這少少的分享能祝福你們。哈利路亞！阿門。